Nga Identiteti Një sulm i koordinuar me raketa dhe dronë ka shkaktuar shpërthime dhe zjarre masive në portin Mubarak Al-Kabeer të Kuvajtit, duke goditur objektiva strategjikë të kësaj zone.
Sipas raportimeve të autoriteteve lokale, flakët kanë përfshirë një pjesë të konsiderueshme të territorit portual, duke shkaktuar dëme të rënda materiale dhe ndërprerje të qarkullimit të mjeteve lundruese. Ekipet e emergjencës ndodhen në vendngjarje dhe po punojnë për izolimin e zjarrit, ndërsa hetimet e para konfirmojnë se operacioni është kryer nga grupime ushtarake iraniane.
Ky incident vjen në një periudhë tensionesh të larta në rajon, duke rritur pasigurinë për transportin detar dhe stabilitetin në Lindjen e Mesme. Më herët, Irani kishte lëshuar paralajmërime zyrtare ndaj vendeve fqinje, duke deklaruar se shtetet që strehojnë forca ushtarake të Shteteve të Bashkuara do të konsiderohen objektiva të mundshëm sulmi.