Nga Identiteti Një studim i fundit i portalit PlayersTime, i bazuar në analizën e listave të revistës Maxim për gratë më të dëshiruara nga viti 2016 deri në vitin 2025, ka nxjerrë në pah profil e Dua Lipës si më të bukurën e dekadës
Edhe pse autorët theksojnë se bukuria nuk mund të mbyllet brenda formulave matematikore, të dhënat statistikore tregojnë qartë disa tipare dominuese: sy kafe, flokë të gjatë kafe, tipare natyrale, elegancë dhe një prani që nuk imponohet, por rrezaton vetëbesim. Brenda këtij profili, emri i Dua Lipës shfaqet në mënyrë domethënëse, jo si rastësi, por si përputhje mes shifrave dhe perceptimit global si fmeren me të bukur të dekadës.
Ajo që e veçon Dua Lipën nga shumë figura të tjera publike është fakti se bukuria e saj nuk mbështetet te artificialiteti por te autenticiteti. Ajo përfaqëson një estetikë natyrale, të shoqëruar me karizëm, inteligjencë emocionale dhe një qëndrim publik të matur. Bukuria e saj nuk është e zhurmshme, por e qëndrueshme nuk kërkon vëmendje, por e tërheq atë natyrshëm. Kjo e bën atë jo vetëm një ikonë mode apo muzike, por një figurë që mishëron idenë se bukuria e vërtetë lind nga përputhja e brendshme mes asaj që je dhe asaj që shfaq.
Në një botë ku standardet estetike shpesh imponohen nga qendra të mëdha kulturore, fakti që profili i bukurisë bashkëkohore përkon me pamjen, qëndrimin dhe energjinë e një gruaje shqiptare nga Kosova ka një peshë të veçantë simbolike. Dua Lipa nuk e ka fshehur kurrë origjinën e saj por përkundrazi, ajo e ka kthyer identitetin shqiptar në pjesë të pandashme të narrativës së suksesit të saj ndërkombëtar. Në këtë mënyrë, ajo përfaqëson një bukuri që buron nga rrënjët, nga kultura dhe nga historia e një kombi të vogël që ka ditur të ruajë dinjitetin dhe identitetin e tij përmes sfidave historike.
Studimi vëren se ajo që i bën këto gra të paharrueshme nuk janë vetëm tiparet fizike, por karizma, eleganca dhe prania publike. Pikërisht këto elemente e kanë shndërruar Dua Lipën në një ikonë globale. Ajo ka arritur të ndërtojë një figurë publike që shkon përtej skenës muzikore, duke u bërë një zë i rëndësishëm për çështje kulturore, sociale dhe identitare. Në rastin e saj, bukuria shndërrohet në mjet ndikimi dhe përfaqësimi, jo në qëllim në vetvete.
Kur flitet për gruan më të bukur në botë të dekadës, nuk flitet vetëm për pamjen, por për historinë që ajo mbart. Pikërisht për këtë arsye, Dua Lipa është shpallur Ambasadore Nderi e Republikës së Kosovës nga Presidentja Vjosa Osmani dhe është nderuar gjithashtu nga institucionet më të larta të Shqipërisë për kontributin e saj në promovimin e kulturës, identitetit dhe imazhit shqiptar në arenën ndërkombëtare.
i.
