Nga Identiteti Djali i Kryeministrit Hristijan Mickoski, i cili ishte midis studentëve që u helmuan në shkollën fillore “Dimo Hadzi Dimov”, është në gjendje të qëndrueshme dhe nuk është shtruar në spital, megjithëse kishte simptoma si fëmijët e tjerë.
Kryeministri tha se Antonij ishte mes fëmijëve të prekur, por nuk ka pasur nevojë për shtrim në spital dhe nuk ka qenë në rrezik. Ai ishte po aq i sëmurë sa bashkëmoshatarët e tij, mori infuzion për tre ditë dhe mungoi në shkollë, por po rikuperohet mirë dhe pritet të kthehet të hënën. Të gjithë fëmijët kishin konsumuar të njëjtin ushqim gjatë qëndrimit së bashku.
Pas incidentit, institucionet kompetente – AFV, Inspektorati Sanitar, Instituti i Shëndetit Publik dhe Qendra për Shëndet Publik – kryen kontrolle urgjente dhe mbyllën kuzhinën e kompanisë që ofronte ushqimin në shkollën “Dimo Hadzi Dimov”.
Inspektorët e AFV-së krahas kësaj kontrolluan edhe kuzhinat e nëntë shkollave të tjera në Komunën e Karposhit, të cilat furnizohen nga kompania “Vanilla Food”, që më parë shërbente edhe në shkollën ku ndodhi helmimi.