Nga Identiteti Sporti shqiptar ka shënuar mbrëmjen e sotme një faqe të re në librat e historisë. Alban Elezi, djaloshi 22-vjeçar me origjinë nga Shkupi, ka arritur një sukses të paprecedentë duke u ngjitur në podiumin e sllallomit gjigant në garën prestigjioze të Kupës së Botës në Schladming.
Kjo është herë e parë në histori që një skiator me rrënjë shqiptare arrin të pozicionohet në top-treshen e elitës botërore të skijimit alpin, një arritje që e vendos emrin e tij krahas legjendave të këtij sporti.
Një “fluturim” drejt suksesit në raundin e dytë Ndonëse gara nisi me rivalitet të lartë, ishte raundi i dytë ai që vulosi gjenialitetin e Elezit. Me një lëshim teknikisht perfekt dhe një guxim të jashtëzakonshëm, ai dominoi pistën duke lënë pas emrat më të mëdhenj të skijimit botëror.
Në këtë zbritje të dytë, Albani regjistroi kohën më të shpejtë të të gjithë garuesve, duke dëshmuar se nuk ishte aty thjesht si pjesëmarrës, por si një pretendent legjitim për fronin e skijimit. Trashëgimia e kampionëve djali i ish-mundësit të mirënjohur shkupjan, Adnan Elezi, duket se ka trashëguar genin e fituesit dhe disiplinën e hekurt. Ky rezultat në moshën 22-vjeçare është vetëm preludi i asaj që pritet të vijë. Me këtë performancë, shpresat për medalje në Kampionatet Botërore dhe Lojërat Olimpike nuk janë më thjesht ëndrra, por një realitet i prekshëm.