Nga Identiteti Trumpi thotë se nuk do të kërkojë falje për postimin videos raciste të çiftit Obama
Presidenti i SHBA-së, Donald Trump, tha se “nuk e pa” pjesën e një videoje në rrjetet sociale që tregonte një klip racist që i përshkruante Barack dhe Michelle Obaman si majmunë.
Klipi në të cilin dëgjohet kënga “The Lion Sleeps Tonight” dhe shfaqet çifti Obama në trupin e majmunëve, ishte në fund të një videoje 62-sekondëshe që ai ndau, e cila përmbante pretendime për mashtrim votash në zgjedhjet presidenciale të vitit 2020. Videoja u hoq më vonë.
Duke folur me gazetarët të premten, Trump tha “nuk bëra gabim”, kur u pyet nëse do të kërkonte falje.
Ai shtoi se kishte parë vetëm fillimin e videos përpara se të postohej nga një anëtar i stafit dhe nuk e dinte se përmbante atë përshkrim për çiftin Obama.
Senatori republikan Tim Scott e përshkroi atë si gjënë më raciste që ka parë nga kjo administratë.
Shtëpia e Bardhë fillimisht e mbrojti klipin si një “video virale interneti” dhe u tha kritikëve të ndalojnë reagimet e rreme.
Por pas reagimeve të ashpra, përfshirë ato nga disa senatorë republikanë, postimi u hoq nga llogaria Truth Social e Trumpit. Një zyrtar i Shtëpisë së Bardhë tha se një punonjës e kishte bërë “gabimisht” postimin.