Nga Identiteti Talenti i ri i futbollit kosovar, Art Shahini, ka vendosur diktatin e tij në edicionin e sivjetshëm të Turneut Dimëror – Liga Pro për moshën U11. Shahini udhëhoqi ekipin e tij drejt titullit kampion, duke rrëmbyer njëkohësisht edhe çmimin si lojtari më i mirë i turneut pas një performance që rrallëherë shihet në këto mosha.
Rrugëtimi i ekipit “El Clasico” nga Vushtrria ishte i jashtëzakonshëm. Në një konkurrencë të fortë mes 12 ekipeve pjesëmarrëse, skuadra e Shahinit nuk njohu asnjë humbje apo barazim, duke mbyllur turneun me 11 fitore radhazi. Dominim absolut: 11 ndeshje, 11 fitore
Në total, ekipi realizoi 27 gola, ku protagonist kryesor ishte padyshim Art Shahini. Shifrat e tij janë mbresëlënëse: 21 gola të shënuar (mbi 75% e golave të ekipit) dhe shume asistmie.
Në finalen e tensionuar kundër ekipit Rilindja, Art Shahini tregoi edhe një herë pse konsiderohet si një nga talentet më premtues. Ndeshja përfundoi me rezultatin 3–1, ku Shahini ishte i përfshirë në të tre golat, duke shënuar një herë dhe duke dhuruar dy asistime. Ky kontribut i dha atij meritën e padiskutueshme si “Lojtari i Ndeshjes”.
“Ky sukses është rezultat i punës së madhe, disiplinës dhe dashurisë për futbollin. Jemi shumë krenarë për Artin dhe rrugën që po ndërton në klubin El Clasico,” u shprehën anëtarët e familjes Shahini, të cilët janë mbështetësit e tij kryesorë.
Ky sukses i Art Shahinit nuk është vetëm një trofe në sirtar, por një dëshmi e potencialit të madh që zotëron futbolli i moshave në Kosovë. Me një nuhatje të hollë para portës dhe vizion të qartë loje, Art Shahini po konfirmohet si një emër që do t’i shërbejë gjatë të ardhmes së futbollit tonë.