Nga Identiteti Sot, në Orikum në Vlorë, një ngjarje e rëndë ka tronditur komunitetin, ku dy persona kanë humbur jetën. Bëhet fjalë për Llogora Xhebro dhe Sose Bozhani, të cilët janë viktimat e kësaj tragjedie që ndodhi gjatë orëve të mesditës.
Fatkeqësia e rëndë u regjistrua rreth orës 13:30, brenda banesës së tyre. Sipas informacioneve paraprake, burri, në moshën 50-vjeçare, dyshohet se fillimisht vrau ish-bashkëshorten e tij, dhe më pas i dha fund jetës duke përdorur një armë zjarri në garazhin e pronës.
Gruaja, e cila ishte 48 vjeçe, u gjet pa shenja jete në shtëpi. Kur forcat e policisë mbërritën në adresë, konstatuan se burri 52-vjeçar kishte kryer vetëvrasje. Pranë trupit të tij u gjet një armë zjarri e tipit Glock si dhe një gëzhojë 9 mm, të cilat u sekuestruan si prova materiale.
Aktualisht, një grup i posaçëm hetimor, nën drejtimin e Prokurorisë së Vlorës, ndodhet në vendin e ngjarjes. Ata janë duke punuar intensivisht për të mbledhur të gjitha dëshmitë dhe për të zbardhur plotësisht rrethanat dhe motivet që çuan në këtë episod të dhimbshëm.
