Nga Identiteti Sot, në një ambient të rëndësishëm politik, lideri i Bashkimit Demokratik për Integrim, Ali Ahmeti, priti në takim Ministren e Punëve të Jashtme të Shqipërisë, znj. Elisa Spiropali.
Në këtë takim moren pjesë dhe kryetari i Aleancës për Shqiptarët, Arben Taravari, si dhe zëvendëskryetarit të BDI-së, Bujar Osmani, duke theksuar kështu rëndësinë e dialogut politik të nivelit të lartë.
Zoti Ahmeti theksoi se bisedimet u zhvilluan në një frymë jashtëzakonisht pozitive dhe bashkëpunuese. Palët patën mundësinë të shkëmbejnë hapur pikëpamjet mbi tendencat politike të momentit, si dhe të vlerësojnë thellësinë e lidhjeve dypalëshe mes Maqedonisë së Veriut dhe shtetit shqiptar.
Në këtë kontekst, u nënvizua me forcë domosdoshmëria e forcimit të bashkëpunimit ndërinstitucional, si një shtyllë kyçe për adresimin e sfidave të përbashkëta dhe shfrytëzimin e potencialeve për zhvillim. Kjo qasje u konsiderua thelbësore për të garantuar progresin dhe mirëqenien e qytetarëve në të dy vendet.
Po ashtu, një vend të posaçëm në diskutim zuri rëndësia e patjetërsueshme e stabilitetit në rajonin e Ballkanit Perëndimor dhe thellimi i rrugëtimit drejt integrimit evropian. Me këtë rast, Marrëveshja Kuadër e Ohrit u rikonfirmua si një element thelbësor dhe shtyllë e qëndrueshme për proceset e demokratizimit, sigurisë dhe ecjes përpara të Republikës së Maqedonisë së Veriut, duke shërbyer si një model suksesi.
https://www.facebook.com/share/p/1HJHcZ1LLN